Henrik Brustad var ein norsk kjempe som vart fødd på Ytterøy i 1844 og døyde i 1899. Ifølge mor mi er dette ein slektning på far sida hennar og han gjekk visst for å vera den største og sterkaste karen i heile verda i si tid. Han kunne løfta 500 kilo og var 226 centimeter lang.
Eg nemner dette på grunn av noko som eg her om dagen kom over i Snorre. Ein må sjølvsagt vera kritisk til kva ein les, for i boka så blir det jo blanda inn både mytologi og historiske fakta. Men samtidig så er det mykje som tyder på at sjølv den mytologiske delen har grunnlag i verkelegheita. Her følgjer eit utdrag frå Snorre (Norges kongesoger, side 19):
«Konge Hake for med hæren sin til Svitjod mot kong Hugleik, og kong Hugleik samla ein hær imot. Da kom to brør, Svipdag og Geigad, for å hjelpe han, namnkjende menn og store kjemper begge to. Kong Hake hadde med seg tolv kjemper; det var Starkad Gamle òg med. Konge Hake var ein stor kjempe sjølv òg.»
Er dette ein metafor, eller ligg det noko fysisk i det? Eg ser for meg at om mannfolka før i tida var lågare enn kva dei er i dag. Kan sjeldne tilfell som Henrik Brustad ha vorti sett på som kjemper i den rette tydinga av ordet? Om eg hadde vori 1.60 høg, så ville eg iallfall ha sett på ein kar på 2.20+ som ein kjempe. Eg ser det som usannsynleg at ein ikkje gav slike tilfell eit eiget namn, og kanskje var dei etterspurde hjå hovdingar som villa ha dei i hirda si.
Heimant 